Til hamingju Ísland!
Sautjándinn í ár er einn af fjölmörgum sem ég er ekki heima á Íslandi fagnandi með blöðru niðri í bæ og drekkandi heitt kakó með rjóma ásamt gómsætum pönnukökum heima í Geitlandinu. Ohhh hvað ég hlakka til að geta notið dagsins eitthvern tímann í framtíðinni heima í rigningunni undir regnhlífinni, ef hún helst heil fyrir roki, með bros á vör.
Í fyrra var ég þó heima á Fróni í rjómablíðunni sem einkenndi daginn. Dagurinn var það frábær að ég get vel lifað á minningunni núna þegar ég sit sveitt yfir því að lesa um hin ýmsu lyf gegn meltingarfærasjúkdómum. Dagurinn í fyrra var deginn snemma og við Jói fórum á samkomu hjá Búddasamtöknum hans Jóa, SGI á Íslandi. Eftir kyrjun, ræður og meiri kyrjun var setið saman og spjallað yfir dýrindis kökuborði. Síðan röltum við saman niður í bæ svona rétt til að kíkja á stemninguna. Brunuðum að því búnu austur á Selfoss í pönnsur hjá mömmu og pabba á Fossheiðinni. Síðan var haldið í sveitasæluna á Flúðum þar sem góð vinkona Jóa... og mín... hún Heiða María var að halda upp á að vera komin með B.A. í sálfræði og um leið upp á afmælið sitt. Þar vorum við í góðu yfirlæti yfir alla helgina í rjómablíðu. Heitur pottur, ratleikur, bjartar nætur, spilerí, góður matur og annað afslappelsi einkenndi því sautjánda júní helgina í fyrra. Verkun hægðarlosandi lyfja, stoppandi lyfja og fleirri skemmtilegheit einkenna sautjándann í dag! Þó er skýjað úti hérna í Baunalandi, smá sautjándafílingur er því í manni og hver veit nema ég skelli mér í fællesspisning með fótboltanum í aften eða horfi á þjóðhátíðarleikinn Ísland-Svíþjóð! Áfram Ísland!
Heiða María situr við enda borðsins með sólgleraugu.Að lokum segi ég Áfram Jói þar sem kappinn er að taka á móti Omamori sem er svokallað ferðagohonzon nánast í þessum rituðum orðum á hátíðarsamkomunni hjá SGI. Fyrir þá sem eru að velta fyrir sér hva' i verden er det þá skal ég reyna að koma með smá leikmannaskýringu á hugtakinu gohonzon. Go vísar til virðingar og honzon þýðir hlutur djúpstæðrar virðingar og tilbeðslu. Í þessu tilfelli er gohonzon þýðingarmikið skjal sem á er ritað grundvallar kennisetning búddismastefnu læriföðursins Nicheren. Gohonzon á sinn stað í altarisskáp þess sem stundar búddisman og kyrjar fyrir framan gonhonzon. Omamori er lítið ferðagohonzon með sambærilegu skjali inn í.
Lokaniðurstaða: Örsmátt "altari" fyrir Jóa til að kyrja við á öllu flakkinu okkar!
Stelpa með voða sætt lítið Omamori.
3 Comments:
Gleðilegan 17.júní, það er barasta byrjað að rigna, alvöru 17. sem sagt!!! Byrjaði snemma að lesa blóðmeinafræðina eftir að skutla ingvari bró í lestina, en húff endaði að taka rúnt í rósó uppúr hádeginu og versla smá;) best að farað setja í 4.gír ef maður ætlar að ná að lesa eitthvað um helgina.. knús já og aldeilis fróðleikur um búddismann spurning að kynna sér þetta... heiðdís
Hæ sæta og til hamingju með daginn:-)
Flottur fróðleikspistill hjá þér um Gohonzon og búddismann:-)
hafðu það gott og gangi þér vel í lestrinum. Sjáumst bráðlega;-)
Kveðja
Sandra
Takk fyrir að rifja upp daginn, það verður gaman að hitta ykkur :)
Skrifa ummæli
<< Home